حول اسطول الحريه ....الجزء الثانى

طيب

انا كتبت حاجه كده قصيره و مختصره

عن اسطول الحرية

بمكن يكون اتفهم فيها

انى مدعم للجيش الاسرائيلى او انشكحت لقتل بشر على سطح المركب

من التعليقات كانت حول القاون الدولى و المياه الاقليمية

القاون الدولى مختلف تماما عن القوانين الوطنية و ذلك لوجود قوة تنفيذية قوية و قادره

و كمان القانون الوطنى بيطبق على افراد او مواطنين متساويين فى الحقوق و الواجبات

القاون الدولى ضعيف و هش

لكنى مؤمن بيه

و مؤمن جدا جدا باهميته

ولكن للاسف احد اصعب الامور فى القاون الدولى

هو ان يفترض ان يطبق على دول ذات سياده

اللى حصل مع اسطول الحرية

فى البداية الهدف من الاسطول هو كسر حصار غزه مش باستخداتم الاقاون الدولى اللى فشل فى حل قضية غزه

و برده بعد فشل الجميع بلا استثناء

فى اقناع الجانب الفلسطينى ( حماس ) مع الجانب برده الفلسطينى فتح على انهم يتفاوضوا او حتى يقعدوا مع بعض

عمو هنيه لما بيتكلم بيتكلم عن انه رئيس حكومى شرعى

و بالتالى احنا بنتكلم عن انقسام فى شبه دويله الا و هى فلسطين

و انقسام ما بين الضفه و القطاع

و اعتقد ان اللى اتقتلوا من الجانبين و اللى قتلوهم من نفس الجنسية كانوا اكتر من العدد اللى اتقتل امبارح

نرجع تانى للاسطول

اى حد بيقرء تاريخ اسرائيل كويس

هيعرف ان اسرائيل ليها الاسلوب البقرى فى التفواض

و اسلوب الرجل المختل فى رد الفعل او الفعل

الاسلوب البقرى فى التفاوض بمعنى الدخول فى ادق ادق ادق التفاصيل

لغاية ما الطرف التانى ينسى اساس هو بيتفاوض على ايه

و اسلوب الرجل المختل

هو الرد المبالغ فيه

زى اللى حصل فى لبنان فى 2006

ما حدث على سفن اسطول الحرية هو معركه غير متكافئه ما بين جيش الاحتلا و ناشطين ...سلام عفاف توحيده

لانى مش مقتنع انهم نشطاء سلام

و مش فاهم ليه محدش علق على الفيديو

فكرة انها معرلاكه غير متكافئه

هى طول عمر المعركه مش متكافئه

اعادة نشر :حول اسطول الحريه

تم مسح هذه النوت من ع الفيس

و يتم اعادة نشرها هنا

و برده ع الفيس

طيب

دايما لما بكتب حاجه ..عن فلسطين ...ناس كتير بيزعلوا ...بس عادى بقى مش مشكله

دايما احنا بنبص لجانب واحد من الحكاية ... و تحديدا حكاية فلسطين و اسرائيل

موضوع اسطول الحريه

رقم واحد فى نائبين لطاف ظراف خفاف اكيد اخوانجيه طبعا ...راحوا اخر بلاد الدنيا الا وهى تركيا عشان يدخلوا منها

طيب سؤال ....هما ليه مدخلوش من رفح ...خافوا طبعا ... و هل يا ترى يا هل ترى هما راحوا للعمال اللى كانوا قاعدين عند الشورى ...

و هل اخدوا اذن من البطرمان و كبير المخلات سرور جزره

سؤال تانى .... هل نشطاء سلام ....يرفعوا سكاكين و كمان ياخدوا اسلحه

الناس اللى بتتكلم عن الاستخدام المفرط للقوه ....تحاول بس تتسائل كده ...هى اسرائيل كانت غلبانه تقتل كل اللى ع المركب ...اشمعنى 14 يعنى ...

http://www.bbc.co.uk/arabic/middleeast/2010/05/100531_israel_turkey_tc2.shtml

الناس دايما بتفكر بمنظور احادى ...جزء من كبير دينى ...على الصعيد الاسلامى و المسيحى

خواطر بحبانيه : حكم الادارية و الكنيسة

لعبه طالما تلعبها الدوله... القضاء اللى جاى من الفضاء .... شويه يبقى قضاء عادل و منى و سلوى و بابا و ماما من نجع حمادى و هشام طلعت مصطفى بيهنى عيلة سوزان تميم بالديه المرتقبه و اسمع اغنية قوم يا مصرى و اوعى تقعد لحسن الكرسى مبلول .

و ساعات لما تخرج احكام لا تنفذ ...سيد قراره و انت نفذ مع نفسك يا برنجى

التصادم دلوقتى ما بين الدولة....و الكنيسة ....و اعتقد انها كرت الانتخابات الرئاسية اللى جايه .

لعب الدوله ممثله فى القضاء بصدور حكم .... يفترض انه يرغم الكنيسة على اعطاء تصريحات جواز لمن تم طلاقهم ...اللطف حاجه ان دى نفس المحكمة اللى عملت محكمة تفتيش ل رائوف هندى ابو عماد و نانسى و اللى كانت بتتكلم عن تفنيد للعقيده البهائية .

الموقف الحقوقى و الليبرالى محتار و مشتت ما بين الاتنين

ما بين تشابك مصالح فى بعض الاوقات ما بين الدوله والكنيسة ...و برضه تعارض المصالح و الضغط

و فى كلا الحالتين ...المواطن هو اللى بيدفع التمن .

كلمه غريبه سمعتها ...الا و هى لا اجتهاد مع نص

و دى حاجه طبيعية من ما تم كرفه من المجتمع المنغلق الرافض لاعمال العقل

حرية الفرد فى اختيار شريك حياته ... و تكمله مشوار حياته معاه ....امر بديهى و منطقى

و ايضا العقد شريعة المتعاقدين ... و اللى بيدخل فى علاقة زواج ...بيكون عارف ان طريق اتجاه واحد

او يتحمل تكلفه فتح طريق جديد

قد يكون ..الحل ...هو الزواج المدنى ....اللى بتعتبره الكنيسه زنا

البحبحانى :مبارك فى كلمته للمريخ ...الانتخابات يوم الجمعه حرام شرعا

كان البحبحانى يتابع انتخابات حزب الوفد وينظر الى انتخابات حزب الغد.... و يتذكر انتخابات نادى الزمالك و النادى الاهلى ...و كلها كانت يوم جمعه ....

و كان يشاهد الاعلانات التى يتم عرضها فى القنوات ...لتشجيع الناخبين للذهاب يوم الانتخاب

قرر البحبانى مناقشة مبارك فى هذا الموضوع فهب باتوبيس السلام الى مطار السلام الى طيارة السلام ليذهب الىمدينة السلام و يقول السلام عليكم و تمت تصفيته جسديا طبعا بس زى احمد مكى فى طير انت لما عمل دور الرجل الهندى اللى المفروض يموت بعد ما اضرب عليهكل حاجه ...و لكن نظرا لان البحبانى مش بيموت.... لان روحه استك منه فيه

دار هذا الحوار ما بين البحبانى المغوار و مبارك ريسنا ال ....... ( كملوا انتوا بقى )

بحبح :يا ريس ليه مش بتكون الانتخابات يوم الانتخابات

مبارك و هو جالس على سجادة الصلاه فى منظر معتاد ...و لابس الطاقية و الجلابيه : اعوذ بالله يوم الجمعه ده يوم الرب ... ده اليوم اللى استراح فيه ربنا بعد ما خلق الكون .

بحبح يراجع فيكتشف ان الريس بيشلح شلحه من التواره

بحبح: قصد يوم السبت يا ريس ...

مبارك: سبت حد كلها ايام ربنا .... يوم الجمعه اجازه

بحبح:طب ماده يا ريس يخلى الناس تبطل كلام ان اللى بيروحوا يصوتوا هما موظفين الحكومه

مبارك يغضب و يسب : وانا اعمل ايه ....استورد شعب لولا موظفين الحكومه هما اللى بيعملوا مسرحية الانتخابات .

وانت فاكر ان لوعملنا الانتخابات يوم جمعه حد من الموظفين هيجى اصلا ....و بعدين عملية تضبيط الانتخابات تحتاج الى درجة من الاقتباس من انتخابات و نتائج سابقه اللى الهبل بيقولواعليه التزوير ...شعبى يقول عليا ايه لما لتزوير يحصل فى يوم الجمعه

شكرا يا ريس

هشتكنا و بشتكنا يا ريس

هو النتيجه كام كام

كان البحبانى يجلس على الاريكه ...برده فى ليلى الخميس و انشراح تنتظره ...ماهى ليلى خميس بقى.

و لكن البحبانى كان جالس ليحسب النتيجه ...كام كام و لمين

خرجت انشراح مسرعه و هى بالحته الشفتشى ....تقف فى منتصف الليفنج تورئه

وجدت البحبانى منكب على الصحف والنت والقنوات

انشراح بدلع و شخلعه : بتعمل ايه يا بحبح

بحبح: بشوف النتيجه كام كام

انشراح : يا ادى النيله ...هو كاس العالم جه

بحبح:مش قصدى كاس العالم

انشراح :كتك خيبه ...الدورى و الكاس

بحبح:مش قصدى الكوره خالص

انشراح بدلع :طب ما تيجى نلعب كاس العالم فى الجولف

بحبح: يا وليه اتهدى ....انا بتكلم عن مصر

انشراح : مصر ...حكم..و مالها مصر بقى

بحبح: بفكر فى مستقبلها ... ايه اللى هيحصل و مين اللى هيكسب

انشراح :قصدك نور و البرادعى

بحبح:يعنى ....الاول مين اللى هيحسم ...فريق التغيير و لا فريق التزوير

نور و البرادعى و غيرهم كتير.... مع فكرة التغيير ..كل واحد منهم بمنطق مختلف ...و فى منافسه ما بينهم

كل واحد ليه طريقته

لكن

مين هيغلب

انشراح :بس كل واحد فيهم ليه طريقته ..... كل واحد منهم من مدرسه مختلفه ....

بحبح:مدرسه كتاب مش مشكلتى ..... البرادعى عمل زى اللى بدء السبق و جرى جامد و بعد كده انتخ ... نور بياخد طريق مختصر ..بس كله مطبات و مشاكل ....

انشراح : طب و النانوس

بحبح: نانوس عين امه ...بياخد الهليكوبتر المزوده بمقاعد ذاتية الوايبس

انشراح ..طب و النتيجه

بحبح: لسه المتش شغال ...و الحكم لسه مصفرش

بس يا ترى انتم شايفين النتيجه كام كام

البحبانى : يحرم على البهائيين ركوب ال 4 باى 4

عقب كل جلسه محكمة امام مجلس الدولة , اقعد مخنوق شويه . اقول ليه طيب ...ليه كده . ايه المشكله الجديده اللى عملها البهائيين فى مصر . رحت اروح لشيخنا البحبحانى يفتينا .

ذهبت اليه وجدته متضايق و بيقول : حرام دى قلة ادب ..... مفيش مراعاه لحقوق الجار .... فين المواطنه ... فين الديموقراطية .... فين نمرة الميكانيكى ؟

انا : شيخنا البحبانى
بحبانى : اينعم ...ماذا تريد يا هذا ؟
انا : عندى سؤال و محدش هيجاوب غيرك انت يا علامه يا جهبذ .
بحبانى : صدقت ... صدقت .... و الله ما قسرت .... قول قول ايش ودك .
انا : انت جلالتك سمعت عن البهائيين صح.
بحبانى : اينعم
انا : و سمعت ان مجلس الدوله عمال يفسحهم ... تاجيل فى تاجيل فى مداوله
بحبانى :اينعم
صمت لفتره
انا : يا عم البحبانى انت روحت فين
بحبانى : انا اهو لقيت نمرة الميكانيكى .... الو ايوه يا صمويل العربية بايظه يا صمويل .... الموتور اتحرق يا صمويل ...زيت ايوه زيت كافور عشان الموتور يفك .... مش زيت كافور ... امال زيت زيتون و لا زيت المايرون و الا ايه ...زيت موبيل ...اه و ده بكام .... يا نهارد اسود .... طب و الموتور ... مش هينفع تانى ... و لو حطتطلوه خرزه زرقاء ... هى ايه اللى حمرا الخرزه ....الو صمويل ...واد يا صمويل ... الو ... الو .
ادى اخر اللى يتعامل مع ذميين
انا : يا عم البحبانى
بحبانى : حمرا هى ايه اللى حمرا ... المهم عاوز ايه سعادتك.
انا: موضوع البهايين ... ليه الدوله مش عاوز تدى البهائيين بطايق و شهادات ميلاد زى البشر و المواطنين العاديين .
بحبانى : الفور باى فور
انا : سكستين
بحبانى : هو انا بقولك سمعلى جدول الضرب ...انت مش سئلت سؤال . الاجابه الفور باى فور
انا : قصدك العربيه الفور باى فور
بحبانى : هفهمك .... لما البهائيين عادى كده يطلعوا بطايق و شهادات ميلاد مش ممكن يطلعوا رخص عربيات
انا : ما ده عادى يعنى ايه المشكله .
البحبانى : عادى فى عينك .هى دى المشكله .... انت عارف ان البهائئين مستواهم المادى كويس
انا : انت هتحسد ... بس مش كلهم برده ...و حتى لو ده صحيح ايه المشكله
البحبانى: ايه المشكله ...انت بتهرج ... يا ابنى زمان فى عهد الخلافه اللى كانوا على حق ربنا ...مكنش ينفع واحد مسلم ماشى على رجله و انه مينفعش ان ذمى يكون راكب ححان زيه زى المسلم ...لازم الذميين يركبوا حمير بس
انا : و ده كان ليه
البحبانى : وحده وطنية
انا : مش فاهم
البحبانى : هفهمك ... مش فيه مسلمين كتير غلابه و بيركبوا عجل .
انا :اه
البحبانى : و فى مسيحيين نص نص عندهم عربية سيت
انا : احتمال
البحبانى : بافتراض بقى ان البهائيين طلعوا بطايق و طلعوا رخص عربيات و اشتروا عربية فور باى فور و عملت حادثه مع المسلم ابو عجله و المسيحى ابو سيت ... ده هيكون ايه تاثيره على الوحده الوطنية
انا : حمرا
البحبانى : هى ايه الفور باى فور
انا : لا الوحده الوطنية
البحبانى : و يا ترى ليه كل اللون الاحمر ده
انا : ده عشان عيد الاضحى .... كل سنه و انت طيب

صلاة الفور باى فور

كما اقرها نيافة الشيخ اللوزعى البحبحانى
الهى اعتقنا من كل هذا الحمار و الحمير ....و نجنا من اللى احمر من كده..... فنحن عبيدك فاعفو عنا ... فانك على كل الحمار و الحمير و اللى احمر من كده قادر ....





رواه البحبانى ... و العربية عشان من غير مساعديين وجعانى

البحبانى يقرر: ساويرس بيبص من الخرم ؟؟؟

كنت هائما على وجهى فى شوارع القاهرة , اشعر بالانقسام بعد تصريحات ساويرس هل ما قاله حرية راى و تعبير ام انتهاك ؟
كنت طقهان زهقان مضايق كما يقول حبيبى العلامه " ريكو " المهم قررت الذهاب الى العلامه البحبحانى و نظرت الى الساعه فوجدت الوقت متاخر ... يجب ان اذهب الى البحبانى فى دواره

اقتربت من الباب لاسمع صوت جهاز التلفاز عالى جدا ... عندما ركزت اكتشفت انه اعلان عزيزه بتاع قناة ميلودى ... تعجبت كثيرا ان البحبانى يشاهد مثل هذه الاعلانات .... وقفت امام الباب تقريبا حتى انتهاء الاعلانات كلها و عودة الفيلم لاسمع تعليق البحبانى بصوت وقور عالى " ايه الغطاطه دى ".

انفتح الباب لاجد ان من فتح لى هو البحبانى شخصيا
كان واضحا انك كان قاعد برحته

تلاقانى بسلام على الاكتاف ما علينا

البحبانى :مالك يا ابنى .... احكيلى همك
انا : ساويرس و الدبدوب تاعبنى يا سيدنا
البحبانى : ساويرس ..... الفاجر الداعر بتاع 012
انا : انت وصلك لفضيلتك الموضوع
البحبانى يرد و يسبقها واحده اسكندرانى : هو انا نايم على ودانى
انا : و كمان موضوع الدبدوب اللى استغفر الله العظيم استغفر الله العظيم سموه محمد و قال ايه الولد هو اللى اختار الاسم .... ا
البحبانى : خسيقت .... ثكلتك امك اوعى تقول الكلام ده تانى ... مش ممكن طفل صغير برء طاهر و بيسمع اغنية " يا ما المطاهر رش الملح " يفكر ان يسمى دبدوب بيحبه على اسم الرسول .... حاشا و ماشا
انا :و الحل ايه يا بحبانى
البحبانى : يا نولع فى الدبدوب عشان يكون عبره لغيره من الدباديب , او اقولك على فكره نقاطع الدباديب و العيال يقضوها كلاب و قطط
انا :طب و الطفل
البحبانى : لازم يتنفخ الطفل ده خلاص باز فسد تلف زى كرت الشحن بعد ما تاخد النمره منه ...
انا : طب و المدرسه الانجليزية
البحبانى : نعمه و ربنا بعتهلنا ... و يا رب يكون حظ السودان معاها زى حظ ليبيا مع البلغاريات... لا تنسى اموالهم و دباديبهم غنيمة لنا
انا : طب و ساويرس
البحبانى : لا بد ان يطبق عليه حد الحرابه ... انت فاكر اعلانات القناه الماجنه بتاعت الفاجر الداعر .. ايه الرمز بتاعها
انا : الدايره
البحبانى : بسم الصليب عليك , اهو بقى ساويرس مختار الدايره عشان الخرم
انا : خرم ايه سا نيافتك
البحبانى : الخرم اللى بيبص عليه ساويرس على نسائنا و بناتنا و دباديبنا
انا : تصدق انا اول مره افكر فيها كده
البحبانى : انا بكلمك بامانه ... صدقنى ... ساويرس ده سوسه
انا : طب و الحل
البحبانى : لازم نقفل كل خرم فى اى حته
صوت سيده كبيره : يا بحبانى فيلم امريكن بيوتى هيبدء على الاو دلوقتى
البحبانى : جى يا حاجه

محدش يعرف دكتور عظم كويس عشان البحبانى قفل الباب على مناخيرى




رواه نيافة البحبانى ....و مناخيرى لسه وجعانى